മനസ്സും ശരീരവും

എനിക്ക് നിന്റെ കണ്ണുകൾ മാത്രം തരുമോ?

അതിന്റെ ആഴങ്ങളിൽ ശ്വാസം കിട്ടാതെ,

അടിയൊഴുക്കുകളിൽ പെട്ടുഴറി, ഞാൻ

എന്നെന്നേക്കുമായി ആ മടിത്തട്ടിൽ പതിച്ചിരുന്നെങ്കിൽ.........

അങ്ങനെ അന്ധനായ നീ ഇനി

എന്നെ കാണാതിരിക്കട്ടെ!

ഞാനല്ലാതായ  എന്റെ ശരീരത്തിന്റെ,

അണുവിടപോലും കാണാതെ

വർണ്ണനകളോ, പഴികളോ  ഇല്ലാതെ

നീ എന്നിലെ എന്നെ ഉൾക്കണ്ണ് കൊണ്ട്

തിരയുമ്പോൾ, ഞാൻ കവർന്ന നിന്റെ കണ്ണുകൾ തിരിച്ചു നൽകും......

ഞാൻ പതിച്ച ആ മണൽതിട്ടയിൽ

നീ വരുവോളം കാത്തിരിക്കും.....

                                                        അഞ്ജന  വി